政壇：潮爆閃購登陸港店
智能手機流行，QR Code（二維空間條碼）就廣泛應用到各種產品，只要用手機程式掃描條碼就可取得產品資料，買乜都方便。今年初開設燕窩海味及紅酒專門店嘅吳鴻森，都引入熱爆日本同韓國嘅「閃購」概念，喺紅酒樽身加入QR Code，顧客訂購紅酒，只需三分鐘！
吳鴻森話，顧客只要用手機對準紅酒嘅QR Code掃描，所選紅酒名稱、價錢等資料，就會即時喺手機屏幕上彈出，再撳付款掣，落單話咁易。「閃購」喺韓國好流行，唔少零售產品海報都有加上QR Code，客人想買就買，大大增加銷售額，佢相信「閃購」風氣，好快紅爆香港。
