政壇：禍港三人組又被惡搞
林瑞麟自升任政務司司長後，成為網民惡搞嘅熱門主角，以佢為主角嘅合成照不時喺網上流傳，近日網上又有新作，新作仲有啱啱爆出婚外情嘅唐英年份，網民將林公公同唐唐嵌入電影《斷背山》海報，戲謔佢哋係《斷港奸》，真係夠搞笑！
創作人改呢個戲名，意指佢哋兩個前後任政務司司長，打孖上禍港殃民，戲名、意境同改圖都配合得天衣無縫。除咗唐唐同林公公被惡搞外，就嚟執包袱嘅煲呔曾都唔好過，有人創作咗一個手機遊戲，名為「Donald Dog 我會做好一隻」，睇個名已經知道玩緊邊個。個遊戲玩法好簡單，你可摑隻狗同餵佢，甚至餵屎都得，可惜個遊戲暫時只得Android手機可下載。