花旗搞嘅第二屆「花旗集團大學生社責實踐」計劃尋日舉行畢業禮，花旗集團香港區行長章晟曼喺致詞時講咗兩個幸運數字，話大家要記住喎！唔通章行長知道大家喺股海沉咗好耐，畀番幾個冧巴大家賺番啲？
兩個幸運數字一個係35，一個係70，莫非係叫我哋買遠東發展同埋海王集團？原來章行長係想叫大家留意吓今次有35間非牟利服務機構一齊合作，畀70個嚟自8間大學的商科學生到佢哋機構實習，等班莘莘學子了解吓香港社會問題，更可以幫助非牟利服務機構，服務他人。
花旗集團香港區行長章晟曼
