前政務司司長唐唐同老婆日前手拖手喺白加道官邸門外交代婚外情事件，呢張晒恩愛嘅相隨即畀網民惡搞，將佢哋改頭換面，將疑似特首候選人梁振英同社民連立法會議員梁國雄個樣，貼咗落唐太塊面上，改圖水準甚高，而且睇落仲有幾分相似，認真有趣。
香港網民向來好有創意，呢類咁嘅改圖最緊要就係細心，要搵張可以貼得啱啱好、冇乜破綻嘅相先至得，唔係咁容易。今次兩張改圖最好笑之處，係改完之後連個表情都配合埋，幾近完美。距離特首選舉愈嚟愈近，睇嚟呢類惡搞之作將會愈嚟愈多，市民唔愁冇得笑啦！