師奶蝶后決戰維港

維港渡海泳賽停辦三十三年本月中復辦，吸引大批游泳好手參與外，亦有師奶兵團加入戰圈！六十三歲退休小學老師黃美珠泳術了得，堪稱「師奶蝶后」的公開泳賽常客。以運動熱情感染兩名天水圍師奶，告別慵懶生活，游出健康，還把沉迷「游乾水」的另一師奶拉落水游真水，更「膽粗粗」出戰新世界維港泳。

三個女人一個墟，四個女人更是一支泳隊！黃美珠（師奶朋友暱稱她珠女）與補習老師張美英、按摩師陳虹，因游泳池相識而結緣。各人在泳池不談八卦是非，反對游水技巧七嘴八舌：「佢呢個蝶式姿勢真係好靚！」「佢游得好慢！」「游咗幾年，肚腩都細咗！」「佢以前係小肥豬！」你一句，佢一句，互相監督，備戰人生第一次維港渡海泳，「唔知贏定輸，但肯定贏咗友誼。」

珠女是師奶兵團團長，小學三年級加入泳隊，熟習游泳四式，還是公開水域泳賽的常客，水花濺過淺水灣、大尾督等，一游就是逾千米，上月更奪得屯門水運會先進組三枚金牌，魄力不遜年輕人。

「游包尾都要堅持游完」

「一花獨放不是春，萬紫千紅才是春。」珠女認為最重要其他人也游得出色，故不收分文教導師奶學游水。患哮喘的張美英及有腰椎痛症的陳虹，泳池遇到「健康救星」珠女。「十幾年都冇游過水，識咗佢就變咗日日游！以前掛住賺錢，冇諗過做運動，依家先覺得有健康先有前途。」陳虹笑說，好像重新找到人生目標。

珠女成功令五十幾歲師奶告別慵懶、無所事事的主婦生活，其魅力源自積極樂觀的信念。

黃美珠的親和力十足，就連沉迷在四方城的肥師奶，也要從「游乾水」變游真水！五十五歲的天水圍家庭主婦苗潤豔，是最早成為師奶游水兵團成員，「我○六年喺泳池識得Miss Wong，佢見我咁多脂肪，又高血壓、高血糖，叫我唔好打麻將喇，游水啦！」苗坦言以前不時通宵打麻將，一打就十小時，作息一團糟，「跟佢學游水，肚腩細咗，血糖低咗。」自此兩人一同出戰不同渡海賽，有改善健康的動力，「游包尾都要堅持游完佢，唔會放棄！」