SUN世代：聚少離多夫妻更融洽
玩具廠設於內地，Desmond每周都需於當地工作五天，至周末才能回港，令他與家人相處時間大減，「太太喺香港做嘢，唔可以同我一齊返內地，而且我有時返到香港仲要開會，或者參加青年活動，兩夫婦嘅相處時間真係所餘無幾。」相處時間少，Desmond卻認為絕非只有壞處，「可以嘅話梗係見多啲好！但係見少啲，對對方嘅包容度都會大啲，爭執少咗，感情都會好啲！」
夫妻倆經常分隔異地，令Desmond更珍惜與太太共處的時間，每逢周末，兩口子都會留在家中，享受入廚樂；即使須出席青年活動，他亦會邀請太太同往，「既可以爭取多啲見面時間，又可以同太太分享我忙碌嘅成果，都算係一舉兩得！」
假期時，Desmond愛與太太旅遊。（受訪者提供）