政壇：趙式芝搵愛犬sale手袋

富商趙世曾個女Gigi趙式芝都係愛犬之人，家中除咗有愛犬Bubble，近日仲增添咗個新成員Beluga。Gigi笑言：「最初帶Beluga返屋企，Bubble見到即時呷醋，一個禮拜唔肯食嘢，後來請咗狗隻訓練員教佢哋玩遊戲，慢慢先令Bubble接受Beluga。」日前，Gigi同好友Sean楊如芯帶同兩隻愛犬，拍攝佢代理嘅日本手袋品牌A.D.M.J廣告。牠們分別坐喺手袋中（圖），樣子精靈可愛。但鏡頭背後，兩隻活潑嘅小狗點可能乖乖就範？牠們四圍跑，花咗大半日先完成拍攝。拍攝完成後，細心嘅Gigi同Sean更準備咗食物獎勵牠們，又抱住牠們影大合照，以紀念這歡樂嘅一日。

「Money18免費即秒股票報價網站」現推出8升級功能，財經資訊，實時實發！

Gigi帶同兩隻愛犬，拍攝代理嘅手袋廣告。