富貴黨派出年僅二十六歲嘅Terry徐潤容出戰西貢環保選區,挑戰前黨員「哪吒」方國珊同另一候選人張志董。Terry曾經係香港精英運動員,佢話運動員生涯令佢培養出堅毅、忍耐同力爭上游嘅性格,好有信心一旦成功當選,可以做好區議員呢個崗位喎!
Terry以往主攻短跑同跳遠,體能同爆炸力毋庸置疑,所以家陣落區企幾粒鐘宣傳對佢嚟講真係濕濕碎。佢話細個好窮,呢段經歷令佢磨練出一份不屈不撓嘅意志,所以細細個已立志要出人頭地,二十歲出頭已學人創業,雖然失敗好多次但亦從未放棄。
徐潤容深信自己可做好區議員工作。