政壇：蔡加讚掃Apple顯示器
日前見到玩具大王蔡志明囝囝Karson蔡加讚去中環ifc間Apple專門店掃貨，隨行仲有一位女士同兩個保鏢，但就唔見佢嘅女友汪圓圓相伴。
行咗一段時間後，見Karson兩手空空咁行出門口，起初以為佢睇唔啱無買嘢，但原來佢有兩個隨行保鏢代勞，各人抽住一部Thunderbolｔ二十七吋顯示器，仲有一袋二袋電腦用品，滿載而歸。
Karson話啲顯示器係買番尖沙咀間錶行，以便提升公司電腦系統質素。跟住佢就話要趕住返公司做嘢，然後一行人急急步上咗架豪華七人車離開，臨走前都好有禮貌咁同記者講拜拜添！
蔡加讚（前）帶同一位女士及兩名保鏢去ifc Apple專門店掃貨，保鏢抽住一部顯示器。