中國網壇大姐晏紫前年底嫁給信義玻璃主席李賢義之子李聖根後，並冇翹埋雙手做少奶奶，反而鬥志高昂、四處征戰，目標直指明年倫敦奧運會，將造人大計擺喺次位。
但喺今年五月法國網球公開賽前夕，傳出佢懷孕缺席嘅消息，此後一直未見佢再現身大小賽事，傳聞始終未獲證實。
日前喺一個酒會見到李賢義，佢大方承認新抱仔已有身孕六個幾月，腹中塊肉係BB女。咁咪係個小龍女？老爺笑不攏嘴話：「差唔多。」
李賢義親口證實晏紫懷孕六個幾月，仲係個BB女添！
晏紫近月未有出戰賽事，專心佗BB。（資料圖片）
