SUN世代：紅酒增進父子情

父親鍾情紅酒，Michael自小耳濡目染下，也愛好杯中物，十六、七歲已開始淺嘗。直至○七年，他品嘗過譽為「世紀之酒」的法國白馬堡酒莊一九四七年紅酒（Chateau Cheval Blanc），便像着魔般迷上，自此對紅酒產生濃厚興趣。一支紅酒，更將父子倆關係拉得更近。

邊喝邊談生意經

「爹哋係好和藹可親嘅人，我對住佢有少少戰戰兢兢，有時會包拗頸。但係我內心係尊重佢，喺佢身上學到好多嘢。佢做得咁辛苦，如果自己幫唔到佢，就會好內疚。」視父親為學習榜樣的Michael，自添無比壓力，幸好紅酒增添彼此話題，讓兩父子可以邊喝紅酒，邊談生意經。

對紅酒鍾愛，Michael認真到報讀紅酒課程，了解紅酒的歷史、文化，今年更遠赴法國旅行，親自拜訪酒莊主人，認識釀酒過程。為方便與內地人傾生意，他最近更鑽研茶道。