榮文蔚表妹Michelle鄭詩韻同老公陳鴻業,前晚出席前行政會議成員、金山工業集團主席羅仲榮嘅兒子Alan羅揚傑同JIA精品酒店創辦人黃佩茵嘅婚禮。以一身飄逸碎花低胸長裙出席嘅Michelle笑言:「配合番婚禮country home嘅主題,不過今日條裙食晒風,變到好似降落傘咁。」佢大讚會場布置充滿心思,牆上更畫滿一對新人嘅卡通造型公仔。佢透露因工作關係認識Alan,仲話:「我哋實際啲,送禮金。仲會免費幫佢搞嘅活動做公關,當係結婚禮物。」
鄭詩韻同陳鴻業前晚出席羅揚傑嘅婚禮。