政壇：杜宇航「槍斃」唐唐？
隨着建制派元老陸續放話對建制派多於一人參選不持異議，令兩名疑似特首候選人唐唐同梁振英一同入閘參選嘅機會大增，但在唐梁大戰前夕，唐唐出席活動時疑似被活動布景板中的演員杜宇航「槍斃」，咁會否對未來選戰帶來一啲啟示呢？
唐唐陣營中人於十多日前開始放風，話唐唐會喺上周辭職準備參選，不過，等了又等，唐唐仍然係猶抱琵琶半遮面未辭職「備選」，令到唐營中人心急如焚，但唐唐繼續愛理不理，尋日仲有心情出席一個電影首映禮。
本來出席電影首映嘅安全系數應該好高，好難會出現乜嘢差池，點知唐唐先後兩次獲邀上台，佢站立嘅位置碰巧同布景板上的演員劇照重疊，又適逢照片中嘅演員正擎槍殺敵，唐唐則低首不語，形成一幅唐唐「被槍斃」嘅趣怪畫面，但唐營中人睇到相信一定會笑唔出囉。
唐唐（右）畀杜宇航用槍指住，真係大吉利是。