政壇：黃錦康喜獲饒公贈墨寶

眾所周知，美聯集團副主席兼董事總經理黃錦康嘅太極功夫了得，唔係講笑，而係真功夫嚟，幾個月前佢仲喺一個活動上巧遇蜚聲國際嘅國學大師饒宗頤，更獲對方贈寫「指揮若定」四字書法。所謂「北有季羨林，南有饒宗頤」，兩人大作一向係收藏家至愛。黃錦康話饒先生當時喺活動上表演氣功書法，佢就表演氣功爆板，可以講同屬氣功界一分子，難得對方揮毫送贈，所以同大家分享喜悅。