政壇：陳仲尼鄭志剛宴迎英王子
全國青聯副主席阿Rock陳仲尼同家人及父母喺暑假同遊美國洛杉磯及三藩市，共享天倫之樂。充電返港後又再忙過，事關佢擔任理事會主席嘅香港青年獎勵計劃，適逢今年五十周年，佢會夥拍計劃成員之一嘅新世界主席鄭裕彤長孫鄭志剛，喺十一月搞慈善籌款晚宴。
阿Rock規定大會dress code要打白煲呔同着燕尾禮服，事關白呔係禮服中最高規格，隆重場合先會用得上，英國愛德華王子屆時將親臨香港主禮，而王子就係國際總會主席。
近日佢喺屋企衣櫃搵番當年結婚嘅燕尾禮服同白煲呔出嚟，但西褲略窄，所以正積極瘦身五磅，咁就Fit晒嘞。
