政壇：任亮憲林偉基夾擊嫻姐
人民力量成員「維園阿哥」任亮憲尋日報名參選黃大仙區議會龍上選區，挑戰工聯會「票后」陳婉嫻。任亮憲報名時仲攞住一個影后獎座，寸嫻姐退出建仔就想洗脫保皇黨色彩，確係政壇影后，演技同應屆威尼斯影后嘅德嫻有得揮！
任亮憲否認參選係爭取曝光，又強調呢個區暫時有三人參選，全部都係空降，所以講地區政績無從比較。面對嫻姐，同區嘅白鴿黨林偉基本來都有信心贏，但加埋任亮憲，佢話情況就差啲喇，佢似乎已作好最壞嘅打算嘞！
任亮憲送政壇影后獎座畀對手陳婉嫻。