香港首間Apple Store即將喺中環ifc開幕，有粉絲急不及待排隊等開張，但城中名人尋日就有得睇優先場先睹為快。未開始前，作為ifc業主嘅新鴻基地產副主席郭炳聯已率先喺中午到場參觀。
科技大學校長陳繁昌話呢間專門店同美國分店一樣咁簡潔同優雅，對稱嘅線條，視覺上猶如現代藝術博物館。貿發局總裁林天福就話，咁大個品牌來港落戶，證明亞洲市場係何等重要，但佢話睇唔到有新嘢賣就有啲失望喎。
郭炳聯（左）率先到香港Apple Store參觀。
詹康信（左）同林天福（中）好專心把玩智能手機。
