選舉事務處尋日再收到五十四份區議會選舉提名，令總提名數目增至六百九十三個。其中由反高鐵聯盟、菜園村關注組等多個團體組成嘅「土地正義聯盟」，派出五人出戰區選，打正反「地產霸權」同「官商勾結」旗號，呼籲選民積極參與社區規劃。
五名參選人包括出戰八鄉北選區嘅朱凱迪、八鄉南嘅馮汝竹、元朗新田嘅周振勤、南丫及蒲台嘅黃俊邦同中西區正街嘅王浩賢。另外，新民黨副主席田北辰決定參加區選，佢同個黨都應該唔會派人參加超級區議會選舉嘞！
土地正義聯盟派出五人參選區議會。
