政壇：搞搞政：鄧忍光 無車日「四個轆」
相信大家都睇到夕陽政府班高官趁住尋日係「國際無車日」，做咗場扮支持環保嘅騷，但竟然有人冇跟劇本去做。
話說尋日有傳媒晨早喺山頂白加道政務司司長官邸外，守候盛傳會辭職參選特首嘅唐唐坐電動車返工時，咁啱畀人見到廣播處長鄧忍光準備開車返港台。佢嘅政治敏感度極低，連政治零蛋嘅煲呔曾都識得做戲行路去教堂禱告啦，佢都唔識做。
仲記得煲呔曾○九年喺施政報告提出慳電膽現金券計劃，隨即爆出益親家嘅醜聞，據聞當日負責為煲呔曾推銷呢個計劃嘅就係時任環境局副秘書長鄧忍光，即係「燈膽門」黑手。再睇遠少少，佢喺○五年由環保署開始，再升到環境局，當時開口埋口講環保，但喺國際無車日就如照妖鏡揭露佢只係空講環保。
（設計圖片及對白）