SUN世代：見到囝囝煩惱盡消
工作繁忙，Anthony每天最大的娛樂，就是回到家中，與兒子玩樂，「就算做嘢做到幾攰，見到囝囝就即刻乜煩惱都唔記得晒！」他更跟記者分享與兒子相處之道，「好多人都刻意將屋企同工作分開，但係我就相反，希望家庭可以融入生活嘅每部分，所以間中會帶埋囝囝去開會，或者參加義務活動，等佢知道爹哋做緊啲乜，同明白回饋社會嘅重要性。」
「希望佢健健康康」
「我唔使囝囝好叻，讀書方面順其自然就可以，但我希望佢可以自小鍛煉出強健嘅體魄，健健康康。」年底，Anthony家中將迎來第二個小生命，「太太嘅預產期係十一月，依家做完嘢都會盡快返屋企，陪吓太太。」提起家人，他不期然流露出一臉滿足的表情。
與家人相處的時光，是Anthony每天最大娛樂。