歐債問題未解決，美國經濟又唔掂，拖累港股冇運行，照道理啲證券行生意應該愈來愈難做。不過近期京華山一證券嘅策略反而好進取喎，頻頻同啲輪商合作搞活動。好似早前喺灣仔就撞正該行中國區域業務總監Alan陳倪麟，同埋荷合股票衍生部董事Martin黃集恩一齊出現嘞！
點解Martin會出現？咪因為佢落行同啲經紀、散戶講吓窩輪投資策略囉，而Alan仲透露遲啲京華山一同其他輪商都會有唔少合作，除咗搞投資講座之餘，又喺唔同嘅網站發布投資教室等，總之就節目多籮籮。
黃集恩（左）同陳倪麟好老友，早前結伴落證券行為散戶分析市況。
