法改委之前建議成立一個獨立監管機構規管慈善組織，即時引嚟大批團體嘅反對。前行政會議成員陳智思身為法改委轄下嘅慈善組織小組委員會主席，睇見咁多團體堅決「說不」，就話市民對政府嘅信任度低，所以對佢委任嘅監管機構亦冇晒信心！佢今次擺明將話說在前頭，就係搞唔掂慈善法係政府問題，唔係佢冇料到。
佢又話其實個建議係七人小組委員會嘅建議，根本唔係政府嘅立場，要諮詢完先交正式建議畀法改委，到真係立法都仲有排，暗示大家唔使驚定先。