政壇：眼醫阿涂決戰奧運區
白鴿黨立法會議員涂謹申日前宣布，嚟緊十一月區議會選舉會喺新區奧運區出選。阿涂本身係律師，亦係星級戰將，但屬於建制派嘅富貴黨將會派出眼科專科醫生Vincent劉啟傑挑戰佢。
奧運選區選民好多都係中產人士，去得呢啲區作戰，專業背景基本上必不可少。Vincent話已入黨五年幾，以往喺新西蘭讀醫，回港後經一番努力，終於得到香港執業資格，落咗奧運區已經兩年幾喇，笑言自己唔算係空降。
Vincent好記得有一次約好晒地區人士食飯，點知咁啱有一位眼睛不斷流血嘅病人嚟求診，所謂醫者父母心，決定救咗人先，嗰次約會佢雖然遲到，但就問心無愧喎！
劉啟傑挑戰涂謹申，呢場醫生同律師對決，相信都會成為焦點之一。