SUN世代：努力讀書為引家人注意

Liza是潮州人，出身大戶之家，但她童年過得並不快樂。「我細個已經知道family有排名，做女仔，地位又低啲，點樣可以引起家人注意？惟有好努力讀書，次次考試考頭三名。我又唔想同學以為我靠屋企，所以游水、跑步、玩合唱團，樣樣都做到最好去證明自己！」

當初瞞父母創業

直至中二那一年，爺爺過身，家中發生爭產巨變，她反而釋懷：「雖然爺爺過身真係好唔開心，但是亦覺得終於可以擺脫屋企，做番自己。」

現在事業有成，但原來Liza當初是瞞着父母創業。她笑說：「公司有錢賺先敢話畀父母知，爸爸仲係好擔心，佢覺得女仔人家，打份工，然後嫁人係最好，反而媽媽知道後唔覺得出奇，可能佢太了解個女嘅性格啦。」

Liza不肯透露爺爺是誰，但表示其爺爺生前是大慈善家，她亦深受影響，現在更身體力行，做扶貧、助學等義工，「做義工並唔係偉大，反而喺過程中學到好多，受益係自己。」