立法會醫學界議員「怪醫」梁家騮尋日同相識八年嘅女朋友Cannas關天燕拉埋天窗，筵開六十席，當一對新人踏入會場，全場情緒high爆。
問怪醫點解當年第一眼見到做傳媒嘅Cannas印象咁深刻？佢好直接答話：「靚女吖嘛！佢係新聞之花嚟o架！」
怪醫嘅幾個「散人」兄弟都到賀，林大輝話，當年喺施政報告之前，一眾議員同助理係隔籬房開會，佢就留意到怪醫同當時任職議員助理嘅Cannas眉來眼去，有種異常嘅磁場交流喎。
梁家騮同關天燕咀嘴，真係甜蜜到爆。
梁家騮（右三）嘅立法會親密戰友齊到賀，左起：譚偉豪伉儷、陳健波、林大輝伉儷。
