政壇：馬雲要百度瞓唔着
阿里巴巴集團董事長馬雲日前喺「全球網商大會」嘅演講中，提及阿里巴巴「要做的就是要讓昨天很成功的企業睡不着覺」。點解咁講？原來佢矛頭對準百度。
佢話：「為甚麼做搜索引擎，就是要讓百度睡不着覺，因為百度睡得着覺，互聯網用戶就睡不着覺了。」馬雲所指嘅搜索引擎即係喺今年六月十六日正式由淘寶網分拆出嚟嘅一淘網。佢又話：「支付寶就是讓大銀行睡不着覺，現在很多銀行支付手續費的降低，支付寶還是有點功勞的。」佢仲話阿里巴巴進入無線，就係要令坐喺供線企業上但不作為嘅人瞓唔着覺，而淘寶都要一直瞓唔着，咁樣內地嘅用戶先可以瞓得着喎！
