政壇：選民力量一網打盡甘威
區議會選舉聽日展開候選人提名期，各黨派就區選鬥得如火如荼，更不惜利用社交網站拉票，但大家有冇聽過透過網站幫不知名嘅候選人搵選民做提名人呢？新招呢！
選民力量原本打算派出靚女成員、前港姐Erica袁彌明落中西區，狙擊身兼立法會議員、競逐區選連任嘅白鴿黨甘乃威，點知日前又傳出Erica將會結婚，唔會參選，仲由幕前轉為後勤，只會喺今次區議會選舉負責統籌，令一眾選民大失所望之餘，選民力量仲要頭痕去諗搵邊個狙擊甘威。
雖然仲未搵到人頂上，但選民力量未放棄狙擊甘威，尋日就喺網上公開呼籲，仲上載甘乃威參選嗰區嘅地圖，叫嗰度嘅選民去簽名支持佢哋中西區嘅代表，總之就唔會放過甘威。不過，如果連邊個參選都唔知，又叫啲選民點支持你呢？
設計圖片