行家：可能啲錢有問題

【本報訊】的士司機不時在車廂執到寶，故不少業者都有拾金不昧的美德，財物亦被交到警署。拾獲的財物各式各樣，包括iPhone、攝錄機和銀包等。有的士司機乍聞行家拾獲二百多萬元巨款而竟未有物主報失認領嘖嘖稱奇，直言不太相信。

「不義之財唔會執走」

任職的士司機三十多年的張先生坦言，不太相信有行家在車廂拾獲巨款，亦無聽聞此事。他指自己亦曾在車內執過唔少嘢，以攝錄機及手機為主，每次都會交到警署，其中兩次過了認領限期後無人認領，警方將物件歸他所有，包括一部攝錄機，他形容當時超開心。張指若他拾獲二百多萬元，亦會交到警署，一旦無人認領，他會將一半捐作慈善用途。

另一的士司機黎先生說：「大拿拿二百幾萬喎，好古怪，可能啲錢有問題，二百幾萬跌咗，失主都唔報失？」黎曾拾得內有攝影器材的行李箱，以及內有數千元的銀包交到警署，他強調「不義之財呢啲嘢唔會執走據為己有。」亦相信客人大多會拿着的士收據到警署報失，司機根本不能私下拿走財物。

其實本港的士司機發現乘客遺下的巨款或貴重物品而拾金不昧的好人好事，時有發生，早前一項全球最佳的士服務調查便發現，香港的士服務不但首次打入十大，更高踞第三位，撼贏向來獲極高評價之東京的士。