SUN世代：IT防毒男好高望遠

「創業，就係要睇到人哋睇唔到嘅嘢。」70後的鄭嘉樂（Carlos）於○一年創業至今十年，先後將歐洲電腦防毒軟件品牌和網上電子書引進香港。軟件生意走上軌道，電子書生意漸入佳境，競爭優勢就是︰「比其他人睇得遠 、問得多、行得快，還要等得耐。」

Carlos大學主修電子工程，○一年修畢經濟學碩士課程後，他與友人每人合資數萬元，成立一間科技產品公司，專營電腦軟件。當年正值科網泡沫爆破，人人聞「網」色變，Carlos仍敢以科技為業，除了年少無懼外，更是出於對科技市場的遠見︰「我哋唔係投機，而係睇到全球對電腦技術嘅需求無停止增長，市場人數以億計算，發展潛力好大。」

引入歐洲品牌創商機

Carlos創業路的第一個里程碑︰將歐洲品牌的防毒軟件引進香港市場。當時他留意到間諜及黑客軟件叢生，電腦保安需求龐大，他便計劃將新品牌帶進香港，但市場上已有幾個防毒大牌子，身邊同行直言︰「防毒軟件市場已經飽和，冇得做，死梗！」但Carlos沒有死心，繼續訪問身邊人，做小型市場調查，發現並非人人獨愛大牌子。「十個人可能有九個覺得你唔得，但有一個人覺得可行，咁即係有10%啦！」

大多數人會因為九個「唔得」而放棄，Carlos卻着眼剩下那一人，看出商機。他將歐洲品牌的防毒軟件引進本港，以本地化包裝及管理，最初只有百幾個用家，一步一步摸索，至今產品於本港的市場佔有率已達百分之三十五，○五年更衝出香港，進軍大中華市場，一年間在台灣、新加坡和內地開設分公司，現有超過四千萬名用家。

開發電子書守得雲開

○六年，軟件生意增長穩定，Carlos又再踏上創業路。他看準電子消費市場大，而出版業眾多，Carlos將兩者結合，開發電子書業務。這名出版界新手要跟多間出版公司洽談自己的新計劃，講解「人哋睇唔到嘅」電子書未來，雖然出版公司反應冷淡，但Carlos不將挫敗放在心上，「出版公司咁多間，呢間唔得咪下一間囉﹗」

發展新興市場，就要比人早入場，早一步摸索，打好根基。○六年入場，Carlos預料電子書大有可為，雖不知要等幾多年才有收成，亦不知可帶來多大回報，但有一個信念︰電子書會有「爆」的一日，只要肯等下去，守下去。

Carlos等了四年，電子書業終現曙光，近一、兩年流通網絡、智能手機與平板電腦大行其道，香港3G用戶突破二百萬，令Carlos的電子書生意急升，電子書網用戶多達五萬。

Carlos' profile

職　　銜︰Version 2 行政總裁、光波24書網行政總裁

學　　歷︰香港中文大學電子工程系學士、香港科技大學經濟學系碩士

婚姻狀況︰未婚