政壇：郎朗鬧到爸爸離家出走
鋼琴王子郎朗日前為內地電視台錄製節目時，被在場嘉賓追問係咪鍾意劉亦菲，佢隨即否認，但嘉賓並冇放過佢，再追問佢嘅初戀，佢閃爍其詞唔肯透露，但就透露仍係單身，仲開出擇偶標準。佢話：「四十歲左右結婚，我喜歡甜美型的、溫柔點的，亞洲的女孩子最好，年齡在二十多歲就差不多了。」而陪伴在側嘅媽媽亦提出對未來新抱嘅要求，就係要支持阿仔嘅鋼琴事業，至少係一個研究生。
郎朗又喺節目中話，啱啱開始嘅時候，媽媽用獎品誘惑佢練琴，而到北京同爸爸一齊住時，病咗都要堅持練琴。現場嘉賓問到家人管教咁嚴，佢有冇因反叛離家出走？佢笑住話：「我沒有過，反而爸有。」話說有次爸爸當住同學面前數落佢，佢跟住大罵爸爸，然後爸爸就離家出走，好彩佢去機場截住爸爸啫！
單身嘅郎朗開出擇偶標準。（資料圖片）