政壇：黎瑞恩教年幼仔女行善
金利來太子爺曾智明嘅太太「小恩子」黎瑞恩，尋日出席喺東莞搞嘅慈善高球賽，小恩子指今年已經係第四年舉辦同類活動，之前三年都係幫四川地震災民籌款，今年轉為幫貴州籌款起特殊學校，佢話：「希望每年都唔同主題，幫到唔同有需要人士。」佢又指過往籌款數字達數百萬元。咁會唔會考慮開慈善演唱會？佢即耍手擰頭話：「驚冇人睇，唔會喇！」
之前曾到四川探訪嘅小恩子話當時因時間緊迫冇同仔女同行，但若果將來有時間都希望能帶仔女去，令佢哋感受當地人生活，佢又盛讚一對仔女懂事：「佢哋啲玩具玩舊咗，都會主動話送畀有需要人士。我覺得趁小朋友細個就要灌輸行善知識畀佢哋，等佢哋養成做善事嘅習慣。」
黎瑞恩出席慈善高球賽，幫貴州籌款起特殊學校。