政壇：似顏繪畫作諷禿鷹徐立之
政治諷刺漫畫近年大行其道，除咗近期最出位嘅Cuson外，另一位出色畫家Simon Leung亦以喺日本流行嘅「似顏繪」畫政治諷刺畫，新作包括近期港大818事件嘅曾偉雄同徐立之。
Simon睇到本報政壇版嘅「Check In站」宣傳後，主動來稿推薦其「似顏繪」畫作。佢話自己一向鍾意畫畫，但一直只係公餘時間兼職畫吓，賺賺外快，不過由於畫作實在太出色，加上光顧嘅客人愈嚟愈多，Simon近期已經正式轉做全職畫家，更設立個人網頁。講番「似顏繪」，特色係將繪畫對象嘅特徵放大同誇張化，像真度更高。
《曾偉雄「核心保安區」》：突出曾偉雄頭部，而非核心保安區就畫得好細，諷刺警權過大。
《徐立之》：誇大徐立之身軀，其四方帽邊條絮則鎖住個學生，諷刺港大禁錮學生事件。
Simon Leung