SUN世代：最鍾意同妻女玩耍
如果要為自己檔案，填上興趣和嗜好？不少人都只會寫上游水及打球等。但Christian卻說會填上「跟太太與囡囡玩耍」。一提起出世不久的女兒，Christian笑得比蜜糖還要甜，他說：「囡囡出咗世三個月，滿一百日啦！平日最開心就係同佢玩，一有時間就會返屋企見佢。」
不強求女承父業
初為人父，Christian興奮心情洋溢，一邊展示寶貝女兒照片，一邊說：「似唔似我呀？佢好鍾意笑㗎，你睇吓佢笑得幾開心！」問到會否希望女承父業，將來父女檔一起闖天下？Christian即說：「絕對不會！」隨後慢慢解說：「我最想佢做自己想做嘅事，咁先至係最開心。唔想因為我要佢做，佢就要做，如果佢真係想做食物業，我就會幫佢完成夢想。」
Christian與太太育有一名可愛女兒。