SUN世代：貪玩廚神撞出新煮意

「我最鍾意將唔同食物一齊放入口，睇吓變成咩味！」楊尚友（Christian）貪玩又為食，小時候已經常玩「朱古力撞可樂」、「沙士汽水撞牛肉」，將不同食材「大兜亂」，自創新食法，弄到肚痛肚屙也在所不計。為求愈撞愈出色，他更替人免費打工，學習殺雞宰牛，了解各種食材特質及處理方法。近年，他創立全港首間DIY日式燒餅店BANG BANG PAN PAN同法國餐廳Brass，希望與其他愛玩愛食的同道中人分享新煮意。

Christian為飲食界新星，擁有一手好廚藝，三十出頭便開辦日式燒餅店BANG BANG PAN PAN，打出名堂，兩年後，創立糅合日本傳統菜式跟分子料理的新潮餐廳Zenku，再將Zenku轉型為法國餐廳Brass。近期他有更多新搞作，參加廚藝節目，又寫烹飪專欄，曝光頻頻。

童年遊戲：廚房當實驗室

愛吃又貪玩的Christian，笑言童年最大娛樂就是將廚房當做實驗室，研發食物的新奇、好玩、有趣食法。「試過將幾粒萬樂珠含喺口再灌汽水，即時噴上鼻；又試過將可樂混豉油。」他還愛將魚肝逐一混合杧果、荔枝及軟殼蟹，測試味道，雖然不時食到肚痛肚屙，但仍樂此不疲。

Christian父親為毛里裘斯華僑，他十多歲時已在香港、毛里裘斯，及法國的餐廳做兼職，由洗碗、洗碟、削薯仔皮做起，邊學邊偷師。於瑞士修讀酒店管理期間，更趁學校的長假期，跑到農場及屠場替人免費打工，學養雞、學劏牛及摘葡萄，了解不同食材生產過程以及食物特性。他說：「以牛肉為例，我哋以為有白色脂肪最好，其實黃色至喺。」

新發明：牛肉味「維多C」

Christian滿腦子新煮意，但今日的他，不再是白撞，而是將烹飪當成科學。他說：「如果想整梳乎厘中間有隻雞蛋，就要知道攝氏幾多度麵粉會發，隻蛋又會剛剛熟，呢啲都係計數。」去年，Christian更成功研製有牛肉味的「維多C」，未來他將繼續研發更多新奇、好玩、有趣的菜式，讓大家吃得開心又過癮。

Christian's Profile

職業：

BANG BANG PAN PAN及Brass創辦人

學歷：MSc Real Estate Investment in CASS Bussiness School, London

BSc International Hospitality Management in Ecole hoteliere de lausanne, Switerland

興趣：欖球、籃球、與太太及女兒玩耍