政壇：林建康四口家豪遊英倫
城中唔少人都喺海外擁 有物業，身兼愛沙尼亞共和國駐港名譽領事嘅林建康（Matthew）同太太林黃寧艷喺倫敦郊區有自置大屋，啱啱過去嘅暑假，佢哋同大仔孝勇、細仔孝政去倫敦玩足兩星期，跟住又返林太家鄉新加坡探親。
喺倫敦期間，佢哋坐過小型飛機遨遊天際、又去咗多間米芝蓮星級食肆品嘗佳餚，一家四口玩得好盡興。林太話，孝勇新學年升讀拔萃男書院小學五年級，功課壓力好大，估計有排冇得去玩，所以暑假期間叫埋親友齊齊遊英倫。其實，Matthew同太太都曾經喺英國讀書，今次舊地重遊，更加特別有feel。
林建康一家四口喺倫敦著名酒店Luton Hoo 前留影。（林建康提供圖片）