政壇：張永霖開咪 寸唐唐煲呔曾
疑似特首參選人嘅一舉一動備受關注，淡出商界年多嘅前亞視執行主席張永霖（Linus）尋日講到多個疑似人選，一度寸爆發表「垃圾論」嘅政務司司長「唐唐」唐英年，但就獨讚利豐集團主席馮國經係極之適合做特首嘅人選。
Linus近日靜極思動，決定再開咪主持電台節目，仲話不滿煲呔曾施政。Linus又評點多個疑似特首候選人，但就獨讚馮國經：「佢係一位極之適合做特首嘅人，不過，我相信佢唔會出嚟參選。」至於唐唐，佢就話九七回歸後，有次曾應唐唐邀請到淺水灣食日本餐，同枱約有四十人，回程時遇上冧山泥，差啲返唔到屋企。Linus寸爆話：「邊有人請客請到去淺水灣？嗰晚有九成客人都返唔到屋企，請客請到咁，都算特別囉！」
張永霖