政壇：工聯小花 區選撼李卓人
十一月區議會選舉，唔少大佬級政治人物都打算落區玩，從政逾二十年嘅職工盟秘書長李卓人都打算處男下海參加區選，佢嘅疑似對手之一係工聯會「小花」劉桂容，今年二十七歲嘅阿容講起要撼阿人時，竟然笑笑口話冇有怕，會以平常心面對，佢仲樂觀咁話自己係新人，冇乜壓力喎。
本身係新移民嘅阿容九七年來港，已經喺天水圍富恩區服務超過五年，佢坦言，當年中五畢業，其後為了家庭已投身社會工作，幸好僱主畀機會佢進修，今時今日已經有大專學歷喇。
唔講唔知，阿容嘅男朋友係工聯會荃灣區議員葛兆源，兩人都要喺今屆區選落場，唔知結果點呢？
