裁判官質疑調查報告語錄

陳：陳碧橋 羅：消防總長羅紹衡

羅：「起火時間係早上8時19分。」

陳：「呢個係你哋接CALL時間啫，點解你話係起火時間呀，可以燒咗10個鐘先有人報警o架。」

陳：「有人冇留匙（沒啟動警報器）、有人連牌仔都冇留，入口指揮仲畀佢哋入去，點解你話佢哋很大程度遵守咗煙帽入口程序呀？」

羅：「咁入口控制員要做好多嘢，佢起碼有檢查氣樽容量登記時間，都有收牌仔，係錯在冇收匙啫。」

陳：「咁即係考十科有兩科『肥佬』都算好呀？」

陳：「邊個話過咗『黃金5分鐘』一定死呀？有冇問過醫生證實呀？」

羅：「我問過救護嘅同事……」

陳：「你假設佢着咗警報啲同事幾分鐘內唔會搵到佢，而且就算搵到過咗5分鐘都係救唔番……同你話如果佢用咗警報獲救機會會提高嘅說法自相矛盾。」

羅：「我係話機會會高啲，但其實都唔係咁高。」

陳：「你意思係3月6日有工人收工時丟個煙頭，咁啱燒到條棉線再辣着個棉紗球，再悶燒30幾個鐘，到3月8日先畀人發現有煙呀？係咪可以咁蹺呢？」

羅：「但係我哋响起火地點只係搵到煙頭及電線兩個可能熱源。」