政壇：勞聯型男索女攻區選

成立二十多年嘅港九勞工社團聯會都要年輕化，仲搵定兩個靚仔靚女做佢哋嘅秘密武器，準備參加十一月深水埗區議會選舉。

現年二十八歲、讀新聞出身嘅勞聯社區幹事Jenny譚金蓮，○八年獲聘為勞聯立法會議員李鳳英助理，○九年開始轉戰地區服務，以新聞觸覺為社區問題把脈，期間最令佢印象深刻係處理區內垃圾屋問題。

勞聯副主席嘅林振昇亦係另一個重點培育對象，佢特別關注點樣設立全民退休保障嘅問題。昇仔話之前都有留意立法會討論全民退保，見到好多數據分析都好有參考價值，昇仔又話，希望大家可以開始聚焦分析問題喎！

譚金蓮（左）同林振昇成為勞聯新貴，準備出戰深水埗區議會選舉。