SUN世代：錫晒員工畀有薪生日假
「家庭係我命根。」熱愛工作的Lancy，更愛家庭。現時董事總經理一職，Lancy曾經一推再推。「第一次係因為小朋友太細，所以連內部面試都無去。第二次大老闆親自打嚟，但當時想放多啲時間喺家庭，所以拒絕咗。」後來，待子女逐漸長大，才敢接任這個崗位。
四年前，Lancy更把對家庭的愛推己及人，為全公司員工增添一天有薪假期—生日假。「我同老公嘅生日都喺十月，但每年十月公司都要做budget，係最忙嘅時候，所以年年都無得同屋企人慶祝。後嚟我就諗，每個人都想生日嗰日唔使返工，可以同屋企人或者至愛慶祝。」誰說家庭和事業必定是魚與熊掌？Lancy就認為：「兩樣嘢其實可以互相平衡，希望自己同員工都做得到。」
每逢長假期，Lancy（左）會帶同子女出國旅遊，增進感情。
「只要努力就會成功」，Lancy認為這條成功方程式適用於任何行業。