最近一個月豬骨湯事件令到味千形象大插水，正當事件漸漸被淡化嘅時候，又再爆出上海餐廳有蟲咬傷人嘅事，認真禍不單行，唔知係咪受處理豬骨湯事件影響，誓要提高透明度，公司竟然發公司通告，解釋蟲咬人事件嘅處理方法—用兩千蚊解決件事。
管理層尋日出席業績記者會時，味千主席潘慰亦用咗大部分時間解畫，反而個「靚仔」業績亦只用咗十多分鐘就草草講完。佢話公司成立十五年，第一次遇到咁大嘅危機，缺乏相關經驗去回應市場嘅質疑，搞到上海分店生意額大跌咗超過三成，潘慰話未來會透過加大廣告喎！
潘慰
