「鐘錶界美女」胡敏珊前晚出席活動時，透露自己剛把公司搬到銅鑼灣。佢笑言：「呢一年之內睇咗成百間舖，又要風水好、環境好，同埋附近要有好嘢食，因為食物係精神食糧！同埋有陣時做嘢冇idea，都可以落去附近shopping，就算買件三百蚊嘅衫都好，就當氹自己開心！」
咁係咪買多咗嘢呀？胡敏珊話：「買多咗啱嘅嘢，因為行多啲街，會知道依家興啲乜。」另外，佢話依家正忙於拍電視節目，仲會訪問唔同嘅成功企業家，佢仲講笑咁話每次拍攝都十分緊張，原來做主持比佢想像中困難好多o架！
胡敏珊鍾意銅鑼灣區多美食。
