政壇：圓圓加讚唔學傅穎羅仲謙
「玩具大王」蔡志明兒子蔡加讚前晚出席一個活動，被問到羅仲謙同傅穎嘅糾紛緣於女方偷看男友電話時，佢話兩個人拍拖講求信任，如果唔信任，點check電話都冇用，佢又話同女友汪圓圓都唔會check大家電話，又話：「我覺得應該尊重番對方，電話係好私隱，好似日記咁！」咁會唔會脾氣唔好就搵女友發洩？佢即刻話：「絕對冇，男仔更加唔應該咁做，唔好話動粗啦，講粗口都唔會，特別係對女朋友添啦！」再追問有指傅穎奪命追魂羅仲謙？佢話：「其實咁樣冇意思，我就接受唔到，我同圓圓都唔會成日講電話，得閒先傾，咁樣追嚟追去太冇意思！」
另外，尋日喺護膚品活動見到臉上長滿粒粒嘅汪圓圓，佢透露男友陪佢睇中醫，依家已經好努力整番啲皮膚。佢仲話平日唔會同男友傾通宵電話，淨係周五、六同日先見面。
蔡加讚話拍拖講求信任，唔會check對方私隱。