控煙督察受傷 東主被屈施襲

【本報訊】沙田發生控煙辦督察被指「屈」餐廳東主吸煙兼襲擊。昨午五時許，小瀝源廣善街一間火鍋菜館姓葉東主（六十歲），因仍未開門營業，他在近門外非吸煙區清理杯碟，發現有未熄煙頭，將其掟落盛水的杯中弄熄。

督察大叫「差啲掟傷我」

此時，六名控煙辦職員突然從後門進入，高聲指葉違例吸煙，着他出示身份證票控。葉否認吸煙，更不甘被「屈」，即時走到後巷，但控煙辦職員尾隨追至，葉妻見狀走入，據稱目睹丈夫將一塊木板掟落地上洩憤，不料一名控煙辦督察大叫：「差啲掟傷我！」

葉妻反問「有冇受傷」，對方回稱「冇，咁小事唔使咁勞氣，咁緊張」。未幾，葉被三名控煙辦人員推埋牆，腳部受傷，同時有人報警。葉妻指曾稱無受傷的督察立即走上車，警員到場後，該名督察即表示遇襲受傷，警員於是將葉拘捕。

控煙辦表示，一名督察發現有人在食肆吸煙，欲票控時遭反抗及遇襲，督察受傷送院。