SUN世代：富二代一定繼承祖業？

Garic作為品牌推銷軍師，可謂摸透消費者的口味，但他又喜歡甚麼口味的冰皮月餅呢？「基本上咩口味都試過晒，近年我鍾意食流心嘅朱古力心太軟，口感好多變，食完好有幸福感。」除了識sell識食，原來他更試過整餅，「十幾歲嗰時去過工場學做西餅，但手勢一般。哈哈！」

早睡早起 讀書減壓

別人吃甜品可減壓，Garic的秘訣卻是早睡早起，加上看書、看電影，「仲可以從中搵靈感添！」說到閱讀，他更以股神巴菲特的兒子彼得．巴菲特著作《做你自己》，分享自己的價值觀，「大家以為巴菲特個仔一定要繼承爸爸嘅財富，投身投資界，但係佢選擇做音樂人，拎住九萬美金開音樂公司，成功發展自己鍾意嘅事業，仲拎埋艾美獎。」

Garic自言這書帶給他不少啟示，「富二代係咪一定要繼承祖業？我覺得唔好將金錢睇得太重，唔好畀佢令自己成為奴隸。要擺脫財富嘅控制，睇吓自己可以創造乜嘢出嚟。」