政壇：賭王拆淺水灣大宅巨閘

淺水灣道向來係好多富豪嘅居住地，尤其係經過賭王何鴻燊居住嘅淺水灣道一號大宅，就更覺華麗。但我哋尋日路過何家大宅門口時，就見到有工人拆緊大閘。

就現場所見，有四名工人搭緊棚架，由於黑金色大閘足有兩個人咁高，工人需出動電鋸小心翼翼拆閘，又召來「吊雞車」將拆下嘅巨閘吊上車運走。施工期間，何家專車如常出入，未見受工程影響。

我哋尋日致電四太梁安琪，佢話自己身在外地，唔知有工人拆閘，但當她定過神來即時補充話：「係呀，好似（大閘）縮咗入咗去。」何宅大閘所在路段，據稱業權由政府擁有，地契雖註明大宅業主有權使用通道，但就不能建大閘，所以拆閘相信有助平息風波。

另外，賭王千金何超盈就放咗張趣怪嘅相喺微博，戴咗「$」嘅眼罩，仲寫住話：「女人有兩種，追捧名牌和讓自己成為名牌，一個真正名牌的女人，從來不需要標榜她在讀甚麼書，穿甚麼衣服，因為她不自卑。」大家有冇同感呢？