政壇：置地天價租金逼走證監會
證監會決定將「大本營」由中環遮打大廈，搬竇到長江中心，仲一簽就八年生死約，除咗證監會上下因為慳咗租金而飲得杯落外，獨立股評人David Webb尋日就撰文話，遮打大廈嘅鄰居應該仲開心，尤其係附近嘅珠寶店，終於可回復寧靜！
Webb話遮打大廈大業主置地向證監會提出續約嘅呎租高達一百八十蚊，比國金呎租仲要高，其實係「轉個彎」想證監會搬出，事關遮打大廈入口，近年長期有人示威，又鑼又鼓，又高舉大量標語，更重要係由於示威人多，嘈到喺遮打大廈出入口，連講嘢都講唔到。至於證監會將來搬去長江中心後，示威者會唔會轉移陣地，就要拭目以待。