政壇：克勤仔青春版王國興？
立法會議員陳克勤最近喺新界東派發工作報告，交代佢過去一年嘅工作成果，報告仲用咗張佢笑得好燦爛嘅相嚟做封面，有街坊睇咗之後覺得張相好醒目靚仔，但又有街坊話覺得老成持重咗好多，而且仲見到啲疑似眼紋，有人仲話張相直情有七八成似工聯會嘅立法會議員「阿王」王國興。
今年三十五歲嘅克勤仔話，曾經聽過有街坊話佢如果笑得過於燦爛，就會有眼紋出現，但佢覺得笑得自然又開心，着粉色恤衫又精神啲，所以就聽從設計師嘅意見揀咗呢張相。
克勤仔同阿王相差二十幾年，如果講話相似，都係頭髮前面嘅劉海最似，阿王都係早幾年梳咗個劉海髮型，睇起嚟青春咗唔少。唔知佢哋係咪用埋同一個髮型師呢？
克勤仔新look激似阿王。
阿王