尋日約咗利記靚女CEO陳婉珊（Clara）傾偈，天南地北講完一輪，先知原來佢係一名「極地旅行愛好者」，佢一啲都唔覺自己作為女仔去極地唔方便，反而更覺得可以幫到公司盤生意添！
咪睇Clara外表斯斯文文，其實佢極愛「高難度旅行」。一般人行山去行大帽山，佢就去四川三千幾米高度「行山」。作為仁愛堂總理嘅佢，又曾經試過帶仁愛堂一班中學生，展開十八天南極之旅，見過三十幾呎嘅巨浪、又試過凍到唔知個鼻去咗邊。但佢深信呢種經歷過鍛煉嘅意志力，係管理人員有需要具備。
陳婉珊曾經試過帶一班中學生，展開十八天南極之旅。
