政壇：何喜華撐CY懶提唐唐
疑似特首候選人之一嘅行政會議召集人CY梁振英，尋日現身力撐香港社區組織協會活動（SoCO）嘅「童．影．想」攝影展，參觀貧窮小朋友嘅攝影作品，有小攝影師即席向CY反映，希望佢他朝做咗特首要幫助貧窮兒童，令CY大為受落。
SoCO主任何喜華就話呢次邀請CY，無非因為佢係行會成員，而佢近日言論亦好關心社會。至於點解冇邀請全國人大常委范徐麗泰，何喜華覺得范太唔係官員，又冇正式話參選，所以冇諗過請對方喎。何喜華仲簡評三名疑似特首候選人，話CY對貧窮問題有強烈睇法，反而政務司司長唐唐就冇乜提過，范太更加係態度輕浮，所以佢覺得CY係最理想特首人選喎。